युक्रेनी सेनाले नोभेम्बर महिनामा ८ हजारभन्दा बढी सैनिक तथा उल्लेख्य मात्रामा सैन्य उपकरण गुमाएको रुसका रक्षामन्त्री सर्गे शोइगुले बताएका छन् । 

उनले ८३ सयभन्दा बढी सैनिक, ५ विमान, १० हेलिकप्टर, १४९ ट्यांक र ३०० सशस्त्र वाहन युक्रेनले गुमाएको बताए । 

युक्रेनको सैन्य कमान्ड सेन्टर तथा सैन्य उद्योगहरूमा व्यापक आक्रमण गरी लामो दूरीको प्रहार गर्ने युक्रेनी क्षमतालाई क्षति पुर्‍याएको उनको भनाइ छ । 

सेप्टेम्बर महिनाको अन्त्यतिरसम्म आइपुग्दा युक्रेनी फौजले ६१ हजारभन्दा बढी सैनिक गुमाएको दाबी शोइगुले गरेका थिए । रुसले युक्रेनको भन्दा १० गुणा कम सैनिक अर्थात् लगभग ६ हजार सैनिक मात्र गुमाएको उनले त्यतिखेर बताएका थिए ।

युक्रेन सरकारले युद्धमा मारिएका आफ्ना सैनिकको आधिकारिक संख्या सार्वजनिक गरेको छैन । तर रुसको रक्षा मन्त्रालयले उपलब्ध गराएको संख्यालाई उसले अस्वीकार गरेको छ । जेलेन्स्कीले गत सेप्टेम्बर महिनामा दिनको ५० युक्रेनी सैनिक मारिएको बताएका थिए तर त्यो रुसले बेहोरेको क्षतिभन्दा पाँच गुणा कम भएको उनको भनाइ छ । 

यग साता युरोपेली आयोगकी अध्यक्ष उर्सुला फोन देर लेयेनले युद्धमा एक लाख युक्रेनी सैनिक मारिएको बताएकी थिइन् । तर उनले बोलेको भिडियो पछि डिलिट गरिएको थियो ।