सर्वोच्च अदालतमा फुलकोर्ट बैठक बसिरहेको छ ।

कायममुकायम प्रधानन्यायाधीश हरिकृष्ण कार्कीको अध्यक्षतामा बसेको बैठकमा प्रधानन्यायाधीश चोलेन्द्र शमशेर जबराविरुद्धको महाभियोग प्रस्ताव निष्क्रिय भएपछिको अवस्थाका विषयमा छलफल भइरहेको स्रोतले लोकान्तरलाई जानकारी दियो ।

स्रोतका अनुसार बैठक पूर्वनिर्धारित नै भए पनि अहिले विकसित घटनाक्रमका विषयमा छलफल केन्द्रित भएको हो ।

सर्वोच्चका पूर्वन्यायाधीश​ प्रचण्डराज अनिलको निधन भएपछि शोक प्रस्तावमाथि छलफल गर्न बैठक बोलाइएको थियो । सोही कारण आज बिहानैदेखि इजलास बसेको छैन ।

महाभियोग निष्क्रिय भएको पत्र संसद् सचिवालयले बुधवार नै चोलेन्द्रलाई थमाएको छ । भोलि अदालत बिदा रहेका कारण आजै हाजिर हुने तयारीमा चोलेन्द्र छन् ।