सञ्चार तथा सूचना प्रविधिमन्त्री ज्ञानेन्द्रबहादुर कार्कीले सर्वोच्च अदालतका प्रधानन्यायाधीश चोलेन्द्रशमशेर जबराविरुद्धको महाभियोग प्रस्तावबारे आगामी संसदमा छलफल हुने बताएका छन् । मन्त्रिपरिषद्का निर्णय सार्वजनिक गर्न बुधवार मन्त्रालयमा आयोनित पत्रकार सम्मेलनमा सरकारका प्रवक्तासमेत रहेका कार्कीले आगामी प्रतिनिधि सभामा छलफल हुने विषय जिवितै रहेको बताएका हुन् । 

बुधवार नै संसद् सचिवालयले चोलेन्द्रको महाभियोग निष्कृय भएको पत्र पठाएको थियो । तर, संसद् सचिवालयभन्दा सरकारका प्रवक्ताको भनाइ भनेर फरक खालको आएको छ । 

‘महाभियोग प्रस्तावमा छलफल भएको प्रतिवेदन अब गठन हुने प्रतिनिधि सभामा छलफल हुने विषय जिवितै छ । महाभियोग सार्वभौम संसदको सम्पत्ति हो । यसको छलफल आउने प्रतिनिधि सभामा भएर एउटा निर्णयमा पुग्छ’, बुधवार दिउँसो मन्त्री कार्कीले भने ।

संसद् सचिवालयको पत्र पाएपछि राणा भने सर्वोच्च फर्किन तयारीमा छन् ।