पाँचथरको फिदिम नगरपालिका २ मा घर निर्माणका लागि पानी जमाउन बनाएको खाल्डोमा डुबेर ३ वर्षीय बालकको मृत्यु भएको छ । मृत्यु हुनेमा फिदिम नगरपालिका ६ बस्ने विशाल मगरका छोरा आरुष मगर रहेको जिल्ला प्रहरी कार्यालय पाँचथरले जनाएको छ ।

जिल्ला प्रहरी कार्यालय पाँचथरका प्रहरी नायव उपरीक्षक हरि खतिवडाका अनुसार ती बालक फिदिम २ मा स्थानीय सुरेन्द्र जवेगुले निर्माण गर्दैगरेको घरमा मजदुरी गर्न गएकी आमासँगै गएका थिए ।

उनको आमा काम गरिरहेका बखत खेल्ने त्रममा बालक खाल्डोमा डुबेका थिए । बिहीबार अपरान्ह ४ वजे बालक डुबिरहेको अवस्थामा भेटिएपछि बालकलाई पाँचथर अस्पताल लैजाँदा चिकित्सकले मृत घोषणा गरेको खतिवडाले बताए । बालकको शव पोष्टमार्टमका लागि जिल्ला प्रहरी कार्यालय पाँचथरमा राखिएको छ ।