स्पार्क एडभेन्चर २०२२ कालागि नेपालका ख्यातीप्राप्त कलाकारसहितको टोली लमजुङ पुगेको छ । टोलीमा कलाकारसहित डाक्टर, पत्रकार, पाइटल, लेखक, इन्जिनियर, वकिल, प्राध्यापक, सुरक्षाअधिकारी, व्यापारी, खेलाडीलगायत करिब २ सय जना छन् ।  

टोली विहीबार साँझ लमजुङको क्व्होलासोंथर गाउँपालिका वडा नं. ४ स्थित पर्यटकीय गाउँ भुजुङ पुगेको छ । आयोजक स्पार्क एड्भेन्चर प्रालिका अनुसार उक्त टोली काठमाडौंबाट लमजुङ सदरमुकाम बेंसीसहर हुँदै भुजुङ पुगेको हो । 

टोलीमा महानायक राजेश हमाल, गायक रामकृष्ण ढकाल, कलाकार वीपिन कार्की, वर्षा सिवाकोटी, मधुसुदन पाठक, विमानचालक क्याप्टेन विजय लामा, तेक्वान्दो खेलाडी दीपक विष्ट, डा. लोचन कार्कीसहित व्यक्तित्व सहभागी रहेको स्पार्क एड्भेन्चरका व्यवस्थापक प्रमोद अधिकारीले बताए । 

नेपालका पर्यटकीय गन्तव्यमा नेपाली पर्यटकलाई लग्ने लक्ष्यका साथ कार्यक्रम गरिएको अधिकारीले बताए । भुजुङमा स्थानीय संस्कृतिको अवलोकन गर्ने र मंसिर २३ गते बिहान भीरमह काढ्नेस्थलमा पुगेर अवलोकन गर्ने कार्यक्रम रहेको स्पार्क ग्रुपका टुर व्यवस्थापक अमरदीप भट्टराईले बताए । 

विहानको खानापछि टोली घलेगाउँ अवलोकन गर्दै बेंसीसहर फर्किने कार्यक्रम रहेको भट्टराइको भनाइ छ । आज २३ गते साँझ बेंसीसहरमा गायक रामकृष्ण ढकाल साँझ आयोजना हुने र २४ गते टोली काठमाडौं फर्कने कार्यक्रम छ । भुजुङ गाउँ होमस्टेमा ३२ घरमा उनीहरुको बस्ने व्यवस्था गरिएको आयोजकले जनाएको छ । ख्यातिप्राप्त कलाकार होमस्टेमा गएर बस्दा आन्तरिक पर्यटन प्रवद्र्धनमा सहयोग पुग्ने भट्टराइले बताए ।