नेपाली कांग्रेस नेता प्रकाशमान सिंह र महामन्त्री विश्वप्रकाश शर्माबीच निर्वाचन जितेकामा एक अर्कामा बधाई साटासाट भएको छ । शर्मा प्रकाशमान सिंहको निवास चाक्सीबारीमा सिंहलाई भेट्न पुगेका हुन् भने सो क्रममा दुबै नेताबीच बधाई साटासाट भएको हो । बधाई साटासाटको तस्बिर प्रकाशमान सिंहकी पत्नी सिर्जना श्रेष्ठले सामाजिक सञ्जालमार्फत सार्वजनिक गरेकी छन् । 

प्रकाशमान सिंह काठमाडौं क्षेत्र नम्बर १ बाट प्रतिनिधिसभा निर्वाचनमा विजयी भएका हुन् भने शर्मा झापा १ बाट निर्वाचित भएका हुन् । 
शर्मा पार्टीको १४ औं महाधिवेशनमा प्रकाशमान सिंह प्यानलबाट महामन्त्रीको उम्मेदवार भएर विजयी भएका थिए । 

यस्तै सिंह भने सभापतिको उम्मेदवार बनेपनि कम मत पाउँदै पहिलो चरणको रेसबाटै बाहिरिएका थिए । आफू बाहिरिएपछि सिंहले सभापतिमा शेरबहादुर देउवालाई सघाएका थिए ।