भारतको बिहार राज्यमा रहेको बोधगयामा रहेका दलाई लामाको जासूसी गर्न पुगेकी एक महिलाको अनुहारको स्केच त्यहाँका सुरक्षा निकायहरूले सार्वजनिक गरेका छन् । 

ती महिला सोङ स्याओलान भएको प्रहरीको भनाइ छ । प्रहरीले उनको राहदानी र प्रवेशाज्ञा प्रेसलाई उपलब्ध गराएको छ । 

महाबोधी मन्दिर परिसरमा सुरक्षा व्यवस्था कडा पारिएको छ । त्यहाँ पुगेका भक्तजनको खानतलाश गरिँदैछ । 

प्रहरीका अनुसार, गयामा ती चिनियाँ महिला गत दुई वर्षदेखि बसिरहेकी थिइन् । उनको खोजी जारी छ । उनी नभेटिएकाले विभिन्न आशंका गरिएका छन् । उनी चिनियाँ जासूस भएको दाबीलाई खारेज गर्न सकिन्न । 

दलाई लामा बिहीवार गया पुगेका हुन् । कोभिडका कारण बीचमा रोकिएको भए पनि उनी वर्षैपिच्छे गया जाने गरेका थिए । उनले बिहीवारदेखि शनिवारसम्म कालचक्र मैदानमा प्रवचन दिने कार्यक्रम छ ।