×

सम्पादकीय

कायम रहोस् प्रचण्डको यो थालनी

पुस १८, २०७९

सिंहदरबारलाई ओझेल पारेर प्रधानमन्त्रीको सरकारी  निवासबाट सरकार सञ्चालन हुँदै आएकोमा नयाँ प्रधानमन्त्री पुष्पकमल दाहाल ‘प्रचण्ड’ले त्यो प्रथा तोड्ने संकेत गरेका छन् ।

‘केही नयाँ गर्ने’ भन्दै तेस्रोपटक सिंहदरबारको बागडोर सम्हालेका प्रचण्डले प्रधानमन्त्री कार्यालयलाई कामकाजी बनाउन शुरू गरेको छनक देखिएको छ । 


Advertisment

सोमवार प्रधानमन्त्रीले निर्वाचन आयोगका पदाधिकारीसँग सिंहदरबारमा छलफल गरे । सरकारका सचिवहरूलाई पनि सिंहदरबारमै निर्देशन दिए ।


Advertisment

सरकार सञ्चालन र प्रशासनिक बैठकहरू सिंहदरबारमै राख्न प्रधानमन्त्रीले निर्देशन दिएका छन् । 

पछिल्ला वर्षहरूमा अपवादबाहेक सिंहदरबारमा मन्त्रिपरिषद्का बैठक बसेका थिएनन् । मन्त्रिपरिषद्को बैठकलगायत महत्त्वपूर्ण कामकाज निवासबाट गर्ने गलत प्रचलन संस्थागत हुन थालेको थियो । 

बालुवाटारको गोप्य कोठामा प्रधानमन्त्रीबाहेक असम्बन्धित व्यक्तिले कर्मचारी, सेना र प्रहरीको सरुवा बढुवाको लिस्ट तयार पार्ने जस्ता गलत काम हुने गरेको आरोप पनि लाग्दै आएको छ ।

प्रचण्डले त्यो गलत संस्कार करेक्सन गर्ने संकेत दिएका छन्, यसले कति निरन्तरता पाउने हो त्यो भने हेर्न बाँकी छ । 

कार्यालय समयभन्दा अघिपछि पनि सरकारी निर्णय गर्नुपर्ने भएकाले प्रधानमन्त्रीको सरकारी निवासलाई सरकारी अड्डासरह मान्यता दिइएको हो ।

सरकारका निर्णय पनि बालुवाटारबाट गर्ने, विदेशी राजदूतहरूलाई पनि त्यहीँ भेट्ने र राजनीतिक दलको बैठक पनि त्यहीँ बस्ने गलत प्रचलन दशकौंदेखि चल्दै आएको छ । चीन, भारत र अमेरिकाका राजदूतलाई प्रचण्डले पनि एकचरण बालुवाटारमै भेट गरिसकेका छन् ।

संसदको बैठक, राजनीतिक बैठक या उपत्यका बाहिरका कार्यक्रम बाहेक दैनिक कामकाज सिंहदरबारबाटै गर्ने प्रबन्ध गरे भने सुशासनका लागि एउटा कोशेढुंगा हुने थियो । प्रधानमन्त्री नै १० बजेदेखि ५ बजेसम्म सिंहदरबारमा बसे भने ‘सरकारी काम कहिले जाला घाम’ भन्ने प्रवृत्ति अन्त्य गर्दै कर्मचारी पनि पूरै समय कार्यालयमा बस्न बाध्य हुनेछन् । 

प्रचण्डले प्रधानमन्त्रीको तेस्रो कार्यकाललाई विगतको भन्दा फरक र स्मरणीय बनाउन खोजेका हुन् भने नागरिकका लागि सिंहदरबार प्रवेशमा लगाइएको बन्देज खोल्नु पर्छ । सर्वसाधारणले सरकारको प्रमुख प्रशासनिक निकायमा सहज प्रवेश पाउनु पर्छ । त्यति मात्र होइन प्रधानमन्त्रीसँग उनीहरूले भेट्न पाउनु पर्छ । 

कुनै एउटा मापदण्ड बनाएर हप्तामा ५० जना मात्र नागरिकसँग प्रधानमन्त्रीले अन्तरक्रिया गरे भने त्यो जनमुखी काम हुनेछ । जनताका वास्तविक पीरमर्का के हुन् भन्नेबारे प्रधानमन्त्रीले नागरिकको मुखबाटै सुन्न पाउने छन् । प्रधानमन्त्रीलाई सल्लाह दिनेहरूले वास्तविकता भन्दा बनावटी सल्लाह दिने गरेकाले सरकार र नागरिकबीच खाडल छ ।

बाबुराम भट्टराईले शुरू गरेको ‘हेल्लो सरकार’ले तत्कालीन अवस्थामा जनताका गुनासा प्रधानमन्त्रीले सुन्ने एउटा संयन्त्र खडा भएको थियो । त्यो संरचना अहिले कामकाजी छैन । नयाँ ढंगबाट त्यसलाई अगाडि बढाउन सकिन्छ ।

प्रधानमन्त्रीले शपथ लिएर कार्यभार सम्हालेको एक साता पुग्दैछ । न्यूनतम् साझा कार्यक्रम र सरकारको स्वरूप अझै आइसकेको छैन ।

अहिले नै धेरै उत्साही हुने या निराश हुने अवस्था छैन । यो शुरूआतलाई निरन्तरता दिँदै प्रचण्डले प्रधानमन्त्री कार्यालयलाई साँच्चिकै चुस्त र कामकाजी बनाऊन् ।

कार्यकर्तालाई जागिर खुवाउनका लागि सल्लाहकारको भजनमण्डली अहिले देशको अर्थतन्त्रले पनि धान्दैन । 


 

फागुन २१, २०७९

कर्मचारीलाई तलब खुवाउन समेत हम्मेहम्मे पर्नेगरी देशको अर्थतन्त्र जर्जर अवस्थामा चलिरहेको छ । कोरोना महामारी र युक्रेन युद्धबाट सिर्जित समस्याका कारण अर्थतन्त्र लामो समयदेखि शिथिल छ । बजार चलायमान बन्न सकेको छ...

कात्तिक १३, २०८०

संयुक्त राष्ट्रसंघका महासचिव एन्टिनियो गोटरेसको भ्रमणका बेला नेपालको शान्ति प्रक्रिया फेरि एकपटक अन्तर्राष्ट्रिय समुदायमाझ चर्चाको विषय बनेको छ ।  नेपालको शान्ति प्रक्रियाको शुरूआती चरणमा राष्ट्र संघले सहजीक...

बैशाख २४, २०८१

लोकान्तर सञ्चार प्रालिद्वारा प्रकाशित लोकान्तर डट्कम आफ्नो स्थापनाको आठौं वर्ष पूरा गरी आजदेखि नवौं वर्षमा प्रवेश गरेको छ। यस अवसरमा सबैभन्दा पहिला हाम्रा समस्त पाठक, शुभेच्छुक र विज्ञापनदाताप्रति आभार व्यक्त गर्न चाहन्...

बैशाख ४, २०८१

नेपालको सडकलाई ‘सुरुङ युग’मा प्रवेश गराउने महत्त्वाकांक्षी आयोजनाका रूपमा हेरिएको नागढुंगा सुरुङमार्ग सोमबार छिचोलियो । सुरुङको ‘ब्रेक थ्रु’ गर्न प्रधानमन्त्री, मन्त्रीसहितका सरकारी अधिक...

माघ १, २०८०

काकाकुल काठमाडौंको सपना र विकासको विद्रूप नमूना बनेको मेलम्ची खानेपानी आयोजना फेरि एकपटक उद्घाटन गरिएको छ । सिंहदरबारस्थित प्रधानमन्त्री कार्यालयमा बनाइएको धारो खोलेर प्रधानमन्त्री पुष्पकमल दाहाल ‘प्रच...

भदौ २४, २०८०

संघीयताप्रति नै वितृष्णा जगाउने गरी कोशी प्रदेशसभामा भइरहेको संविधानको खेलबाडमाथि सर्वोच्चले रोक लगाइदिएको छ । मुख्यमन्त्रीका रूपमा कांग्रेस संसदीय दलका नेता उद्धव थापाले प्रदेश सभामा लिएको विश्वासको मतसम्बन्...

दृष्टिकोण

दृष्टिकोण

साउन ५, २०८१

गीतामा कृष्णले भनेका छन्– ‘जे भएको छ राम्रै भएको छ, जे हुनेछ राम्रै हुनेछ ।’ सुन्दा आश्चर्य लाग्न सक्छ, यस्तो कसरी हुन्छ ?  हुन सक्छ, कसैको विवाह हुँदैछ राम्रै भयो । घरगृहस्थी बन्नेछ राम्...

कांग्रेस–एमाले समीकरण : संकटमा एकसाथ, नीति–एजेन्डका आधारमा प्रतिस्पर्धा

कांग्रेस–एमाले समीकरण : संकटमा एकसाथ, नीति–एजेन्डका आधारमा प्रतिस्पर्धा

साउन २, २०८१

जनमतप्राप्त पहिलो र दोस्रो दलबीचको सत्ता समीकरण सोमबारदेखि औपचारिकरूपमा अघि बढेको छ । पहिलो दलले सरकार चलाउने र दोस्रो दल प्रमुख प्रतिपक्षमा रहने सामान्य संसदीय अभ्यास हो । संसदीय इतिहासमा पहिलो र दोस्रो...

भगवान् भेटिने सूत्र

भगवान् भेटिने सूत्र

असार २९, २०८१

भगवान्‌का कुरा गर्ने धेरै छन् तर भगवान् कस्ता हुन्छन् त्यो भने कसैलाई पनि थाहा छैन । भगवान् कस्ता हुन्छन् भनेर सोध्ने हो भने शायद सबै निरुत्तर नै रहने छन् । हदैभए भगवान् भगवान्जस्तै हुन्छन् भन्नेसम्म फेला पर्ला...

x