लुम्बिनी प्रदेशमा नेकपा माओवादी केन्द्रको संसदीय दलको नेतामा स्थायी समिति सदस्य जोखबहादुर महरा चयन भएका छन् । रोल्पा १ (१)बाट प्रदेशसभा सदस्यमा निर्वाचित महरा दलको नेतामा चयन भएका हुन् । 

प्रदेशसभा सदस्यहरूको बैठकले उनलाई दल नेतामा सर्वसम्मत निर्वाचित गरेका थिए । लुम्बिनी प्रदेशमा माओवादी केन्द्रका ९ जना सांसद छन् । 

संसदीय दलको बैठकमा स्थायी कमिटी सदस्य तथा लुम्बिनी प्रदेशका मुख्यमन्त्री कुलप्रसाद केसी, लुम्बिनी प्रदेश कमिटी अध्यक्ष सुदर्शन बराल उपस्थित थिए । निर्वाचित भएपछि स्थायी समिति सदस्य एवं मुख्यमन्त्री कुलप्रसाद केसीले लुम्बिनीबाट सरकार र दलको नेतृत्व गर्नका लागि महरालाई शुभकामना दिएका थिए ।