सर्लाहीको हरिवन नगरपालिका-४ स्थित सडकबाट अवैध लागूऔषध गाँजासहित एक युवक पक्राउ परेका छन्। 

सोही नगरपालिका–५ बस्ने २० वर्षीय सुनिल महतोलाई प्रहरीले बुधबार दिउँसो पाँच किलो गाँजासहित पक्राउ गरेको हो। 

इलाका प्रहरी कार्यालय हरिवनबाट खटिएको प्रहरीले ना४४प ४२८९ नम्बरको मोटरसाइकल जाँच गर्ने क्रममा मोटरसाइकल चालक महतो समातिएका हुन्। प्रहरीले महतोलाई हिरासतमा राखी थप अनुसन्धान प्रक्रिया बढाएको छ।