लुम्बिनी प्रदेशका मुख्यमन्त्री लीला गिरीले पद तथा गोपनियताको सपथ लिएका छन् ।

प्रदेश प्रमुख अमिक शेरचनले प्रदेशको स्थायी राजधानी देउखुरी उपत्यका पुगेर मुख्यमन्त्री गिरीलाई शपथ गराएका हुन् ।

बुधबार संविधानको धारा १६८ को उपधारा (२) बमोजिम नियुक्त भएका मुख्यमन्त्री गिरीले आज देउखुरी उपत्यकामा बनेको नवनिर्मित प्रदेशसभा भवन अगाडि आयोजित विशेष कर्याक्रममा शपथ लिए ।

मुख्यमन्त्रीको शपथलगत्तै प्रदेश प्रमुख शेरचनले नवनियुक्त मन्त्रीद्वय चेतनारायण आचार्य र कृष्णा केसीलाई पद तथा गोपनियताको शपथ गराएका छन् । मन्त्रीहरूलाई हाल बिनाविभागीय नियुक्त गरिएको छ । दलहरूबीच भागबण्डा मिलेपछि उनीहरूले जिम्मेवारी पाउनेछन् ।