म्याग्दीको मङ्गला गाउँपालिका–२ काफलगौरमा सोमवार दिउँसो भएको जीप दुर्घटनामा १ जनाको मृत्यु भएको छ ।

थाइवाङबाट बेनीतर्फ आउँदै गरेको ग१ज ६९३८ नम्बरको बोलेरो जीप दुर्घटना हुँदा ७ जना घाइते भएका जिल्ला प्रहरी कार्यालय म्याग्दीले जनाएको छ । 

प्रहरी निरीक्षक राजन ढकालले मङ्गला–१ की ६० वर्षीया फौमाया गर्बुजाको उपचारको क्रममा बेनी अस्पतालमा मृत्यु भएको जानकारी दिए । उनका अनुसार घाइते मङ्गला–२ की ३४ वर्षीया सन्तु केसी, १० वर्षीया सिवानी कसी र ५ वर्षीया रिवान केसीलाई थप उपचारका लागि पोखरा पठाइएको छ । 

मङ्गला–१ की १५ वर्षीया बबिना परियार उपचारपछि घर पठाइएको छ भने मङ्गला–२ की २२ वर्षीया विपना कार्की, मङ्गला–१ का ३८ वर्षीय तेजबहादुर गर्बुजा, मङ्गला–२ का ५० वर्षीय भूमिकला नेपालीको बेनी अस्पतालमा उपचार भइरहेको छ । 

ओरालो सडकमा जीप पल्टिएर दुर्घटना भएको थियो । जीप चालकलाई नियन्त्रणमा लिएर छानबिन शुरू गरिएको प्रहरी निरीक्षक ढकालले बताए ।