युक्रेनका राष्ट्रपति भोलोदीमीर जेलेन्स्कीले राष्ट्रपति कार्यालयका उपप्रमुख किरिलो टिमोशेन्कोलाई बर्खास्त गर्ने निर्देशन जारी गरेका छन् । 

टिमोशेन्कोले सोमवार नै राजीनामाको घोषणा गर्दै जेलेन्स्कीसामु राजीनामापत्र बुझाएका थिए । 

उक्रान्स्का प्राव्दा पत्रिकाका अनुसार, टिमोशेन्कोको स्थानमा ओलेक्सी कुलेबालाई ल्याउन सकिन्छ । कुलेबा अहिले किएभ क्षेत्रका गभर्नर हुन् ।

यसैबीच युक्रेनका रक्षा उपमन्त्री भ्याचेस्लाभ शापोभालोभले पनि भ्रष्टाचारको आरोप लागेपछि राजीनामा दिएका छन् । युक्रेनी सेनालाई दिइने खाद्यान्न तथा उपकरणमा भ्रष्टाचार गरेको भनी मिडियाले आरोप लगाएपछि उनले राजीनामा दिएका हुन् ।

दुई दिनअघि समुदाय तथा पूर्वाधार विकास उपमन्त्री भासिल लोजिन्कीलाई भ्रष्टाचारको आरोपमा बर्खास्त गरिएको थियो ।