राष्ट्रिय प्रजातन्त्र पार्टीका सांसद ज्ञानेन्द्र शाहीले सरकारी शिक्षा र स्वास्थ्य सुधार गर्नेभए सांसदका छोराछोरीलाई सरकारी स्कुलमा पढाउनु पर्ने बताएका छन् ।

मंगलबार बसेको प्रतिनिधि सभा बैठकमा शाहीले सरकारी शिक्षा र स्वास्थ्यको बिजोक सुधार गर्न सांसदबाटै शुरु गर्नुपर्ने बताएका हुन् । 

‘शिक्षाका कुरा गरिन्छ, माननीयहरुका ठूल्ठुला भाषण सुन्ने गरेको छु । नेपालको शिक्षा सुधार्ने हो धनी माननीयका छोराछोरीलाई सरकारको स्कुलमा पढाउने नीति लागु गरौं । उपचारको कुरा गरिन्छ, आज माननीयको विदेशमा उपचार होइन नेपालमा गरौं । सांसदका छोराछोरीलाई सरकारी अस्पतालमा उपचार गर्ने कानु​न बनाऔ’. उनले भने, ‘मुखले गरेर सुधार हुँदैन । सरकारी शिक्षा सुधार राजनीतिको कुरामात्र भएको छ  सरकारी स्कुलका शिक्षक राजनीतिको बाहेक कुरा गर्दैनन् ।’

सम्बोधनको शुरुमै कर्णाली राजमार्गको कुरा उठाएका उनले त्यसमा पटपटक बनेका सरकारले बजेट विनियोगजन नगरेको भन्दै चिन्दा व्यक्त गरे। कर्णाली राजमार्ग मृत्युमार्ग बनेको भन्दै राज्यले समानताको कुरा गरे पनि साँचो अर्थमा समान अधिकार र अवसर कर्णालीबासीले नपाएका उनको गुनासो थियो। 

साथै उनले जुम्मालामा रहेको विमानस्थल मृत भएको भन्दै त्यसमा सरकारले बजेट निकासा गर्न माग गरे।