ईलाका प्रहरी कार्यालय काँकरभिट्टाले लागूऔषधसहित एक जनालाई नियन्त्रणमा लिएको छ । शनिबार खटेको प्रहरी टोलीले प्रल्हाद कार्कीलाई नियन्त्रणमा लिएको हो । 

लागूऔषध नियन्त्रण ब्युरो काँकरभिट्टा बाट खटिएको संयुक्त प्रहरी टोलीले झापा मेचीनगर नगरपालिका ६ काँकरभिट्टा बसपार्कस्थित ३० वर्षीय कार्कीलाई शंका लागि चेकजाँच गर्दा निजको साथबाट प्रतिबन्धित लागूऔषध खैरो हिरोइनजस्तो देखिने लिसाईलो पदार्थ प्लाष्टिक बाहेक १ ग्राम ५०० मिलिग्राम फेला परेको झापा प्रहरीका प्रवक्ता तथा सूचना अधिकारी वसन्त पाठकले बताए । 

उनका अनुसार कार्कीलाई नियन्त्रणमा लिई ईलाका प्रहरी कार्यालय काँकरभिट्टामा ल्याई थप अनुसन्धान भइरहेको छ ।