पोखरामा पनि एक युवकले आफ्नै शरीमा आगो लगाएर आत्महत्याको प्रयास गरेका छन्। 

पोखरा महानगरपालिका- १३ बस्ने युवाले आज आइतबार बिहान शौचालयमा गएर आफ्नो शरीरमा आगो लगाउन खोज्दा उनलाई उद्धार गरिएको छ। 

भाडामा बस्दै ती युवाले शरीरमा पेट्रोल छर्किएर आगो लगाउन खोज्दा घरबेटी एक महिलाले आगो निभाउन गएकी थिइन्। आगो निभाउन जाँदा उक्त महिला पनि घाइते भएकी प्रहरीले जनाएको छ। 

ती युवालाई अहिले अहिले पोखरा स्वास्थ्य विज्ञान प्रतिष्ठानमा उपचारका लागि लगिएको छ। उनले किन आत्महत्या प्रयास गरे त्यो भने खुल्न बाँकी रहेको प्रहरीले जनाएको छ। 

केही दिनअघि काठमाडौंको बानेश्वरमा प्रेमप्रसाद आचार्यले आफ्नै शरीरमा आगो लगाएर आत्मदाह गरेका थिए।