काठमाडौं महानगरपालिका –१४ टेकुस्थित सडकबाट नियन्त्रित लागूऔषधसहति एक जना पक्राउ परेका छन् । उनको साथबाट बुप्रेनोर्फिन २ हजार २ सय एम्पुल, डाईजेपाम २ हजार २ सय एम्पुल र फेनारगन २ हजार २ सय एम्पुल प्रहरीले फेला पारेको जनाएको छ ।

सर्लाही हरिवन नगरपालिका–८ घर भएका ३९ वर्षीय कैलाश बिकलाई  प्रहरीले पक्राउ गरेको हो । लागूऔषध नियन्त्रण ब्यूरो कोटेश्वरबाट खटिएको प्रहरीले ना.१ ज ५५२४ नम्बरको सुमो गाडीलाई जाँच गर्नेक्रममा गाडीभित्र उक्त परिमाणको लागूऔषध फेलापारी चालक बिकलाई पक्राउ गरेको जनाएको छ ।  

पक्राउ परेका विकलाई लागूऔषध मुद्दामा म्याद थपगरी प्रहरीबाट आवश्यक अनुसन्धान भइरहेको छ ।