नेकपा एमालेका अध्यक्ष केपी शर्मा ओलिले नेपाली कांग्रेसलाई राज्यमन्त्री दिए पनि सरकारमा आउने बताएका छन् ।

विराटनगर विमानस्थलमा बिहिबार सञ्चारकर्मीसँग कुराकानी गर्दै अध्यक्ष ओलीले गृहमन्त्री काग्रेसलाई दिने हो ? भन्ने प्रशनमा राज्यमन्त्री दिए नि कांग्रेस सरकारमा आउने प्रतिक्रिया दिए।

उनले राष्ट्रिय स्वतन्त्र पार्टीले नै गृहमन्त्री पाउने बताएका छन् ।

रवि लामिछानेलाई नै मन्त्री बनाउन खोज्नु भएको हो भन्ने पत्रकारको प्रश्नमा उनले गृह मन्त्रालय राष्ट्रिय स्वतन्त्र पाटीलाई दिने सहमति भएकाले पात्रबारे उसैले छलफल गर्ने बताए ।

उनले रविलाई गृह दिन अदालतको पूर्णपाठ पर्खनुनपर्ने समेत बताएका छन् । यसअघि सत्ता गठबन्धनमा भएको सहमतिअनुसार रास्वपाले सो मन्त्रालय पाउनुपर्ने उनले बताए । 'पूर्णपाठ किन चाहियो ? पुराण वाचन गर्ने हो ?,' उनले प्रश्न गरे। 

रास्वपाले गृहमन्त्रालय पाउँदा मन्त्री कसलाई बनाउने भन्ने विषय पनि उक्त पार्टीले नै जिम्मा लगाउने उनको भनाइ थियो। 

राष्ट्रपतिमा कांग्रेसले अर्घेल्याइँ गरिरहेको पनि ओलीले आरोप लगाए ।