जिरोएभिया नामक कम्पनीले हाइड्रोजन तथा विद्युतबाट चल्ने संसारको सबभन्दा ठूलो विमानको सफल उडान परीक्षण गरेको छ । 

बेलायती कम्पनीले बनाएको १० सीट भएको डोर्नियर २२८ विमानको देब्रे पखेटामा हाइड्रोजन विद्युतीय पावरट्रेन राखिएको छ । विमान १० मिनेटसम्म उडेको थियो । 

विमानको देब्रे भागमा ६०० किलोवाटको पावरट्रेन डबल इन्जिन छ भने दाहिनेतिर हनीवेल टीपीई–३३१ सिंगल इन्जिन छ । 

हाइड्रोजन ट्यांक र लिथियम आयन ब्याट्रीहरू विमानको क्याबिनमा जडान गरिएको छ । 

यस विमानको सफल परीक्षण उडानले स्वच्छ ऊर्जालाई प्रोत्साहन गर्ने हुनाले वातावरण संरक्षणमा सहायता पुग्ने विश्वास गरिएको छ ।