सर्लाहीमा ट्याक्टरको ठक्करबाट ६ वर्षीय एक बालकको मृत्यु भएको छ। 

बुधबार साँझ ६ बजेतिर बरहथवा नगरपालिका–१६ सीतापुर कटानीमा भएको दुर्घटनामा भारतीय बालकको ज्यान गएको हो। 

कटानीस्थित शिव इँटा उद्योगमा रहेको प्रदेश २–०३–००१ त ६५५५ नम्वरको ट्याक्टरले ठक्कर दिँदा उक्त इँटा उद्योगमा काम गर्ने भारत उत्तर प्रदेश राज्य महमदी ग्राम शंकर छाउनी १ बस्ने सञ्जीव कुमारका छोरा वर्ष ६ का हेमन्त कुमारको मृत्यु भएको हो ।

बालकलाई उपचारका लागि लिलावती अस्पताल हरिवनमा उपचारका क्रममा मृत्यु भएको प्रहरीले जनाएको छ ।

दुर्घटनामा संलग्न ट्याक्टर इलाका प्रहरी कार्यालय मुर्तियाको नियन्त्रणमा छ भने चालक फरार छन् ।

बालकको शव लिलावती अस्पताल हरिवनमै रहेको छ ।