गृहमन्त्री नपाएपछिको स्थिति र सरकारबाट बहिर्गमन लगायतका विषयमा छलफल गर्न राष्ट्रिय स्वतन्त्र पार्टी (रास्वपा)को बैठक शुरू भएको छ ।

पार्टी केन्द्रीय कमिटी र संसदीय दलको संयुक्त बैठक केन्द्रीय कार्यालय धुम्बाराहीमा बिहीवार अपराह्न शुरू भएको हो ।

सभापति रवि लामिछानेले आफूलाई गृहमन्त्री बनाउन पटक-पटक आग्रह गरे पनि प्रधानमन्त्री पुष्पकमल दाहाल 'प्रचण्ड' तयार नभएपछि पार्टीको आकस्मिक बैठक बसेको हो ।

बिहीवार बिहान पनि करीब १ घण्टा प्रधानमन्त्रीलाई भेटेका रविले गृहमन्त्री नबनाए सरकार छाड्ने आग्रह गरेको बालुवाटार स्रोतले जनाएको छ ।

लगत्तै रविले आफ्नो मौनता आजसम्मका लागि मात्र भएको भन्दै फेसबूकमा स्टाटस लेखेका थिए ।

यस बैठकबाट सरकार छाड्ने विषयमा निर्णय हुने सम्भावना रहेको रास्वपाका नेताहरूले बताएका छन् ।