राष्ट्रिय स्वतन्त्र पार्टीले सरकार छाड्ने तयारी गरेपछि सरकारको नेतृत्वकर्ता दल नेकपा माओवादी केन्द्रको स्थायी कमिटी बैठक भोलिसम्मको लागि स्थगित भएको छ ।

पार्टी केन्द्रीय कार्यालय कोटेश्वरमा बिहीबार अपराह्न ४ बजेका लागि बोलाइएको बैठक प्रधानमन्त्री एवं पार्टी अध्यक्ष पुष्पकमल दाहाल प्रचण्डले भोलिसम्म स्थगित गर्न प्रस्ताव गरेका थिए ।

‘रास्वपाको बैठक बस्दैछ, त्यसले के निर्णय गर्छ पोलिटिकल डेभलपमेण्ट हेरेर त्यसपछि हामी छलफल गरौंला’, प्रचण्डको भनाइ उद्धृत गदै एक स्थायी कमिटी सदस्यले लोकान्तरसँग भने ।

बैठक शुक्रबार दिउँसो ३ बजेसम्मका लागि स्थगित गरिएको छ ।

पार्टी केन्द्रीय कार्यालयमा पत्रकारसँग कुरा गर्दै माओवादी उपाध्यक्ष कृष्णबहादुर महराले रास्वपाले सर्वोच्च अदालतको पूर्णपाठ नआउन्जेल धैर्यता गर्नुपर्ने बताए ।