सरकारमा सहभागी तेस्रो ठूलो दल रास्वपा सरकारबाट तत्काल नबाहिरिने भएको छ। 

आज साँझ अबेरसम्म बसेको पार्टीको बैठकले सरकारमै रहने निर्णय गरेको प्रवक्ता मुकुल ढकालले बैठकपछि जानकारी दिए।

बैठक जारी रहँदा प्रधानमन्त्री पुष्पकल दाहाल प्रचण्ड र एमाले अध्यक्ष केपी ओलीको फोन आएका कारण उनीहरूको आग्रहलाई स्विकार्दै तत्काल रास्वपा सरकारबाट नबाहिरिने भएको हो।  

पार्टी केन्द्रीय कमिटी र संसदीय दलको संयुक्त बैठक केन्द्रीय कार्यालय धुम्बाराहीमा बिहीबार अपराह्न साढे ४ बजेदेखि बसेको थियो। 

सभापति रवि लामिछानेले आफूलाई गृहमन्त्री बनाउन पटक-पटक आग्रह गरे पनि प्रधानमन्त्री पुष्पकमल दाहाल 'प्रचण्ड' तयार नभएपछि पार्टीको आकस्मिक बैठक बसेको थियो। 

बिहीवार बिहान पनि करीब १ घण्टा प्रधानमन्त्रीलाई भेटेका रविले गृहमन्त्री नबनाए सरकार छाड्ने चेतावनी दिए पनि अन्ततः सरकारमै रहने निर्णय गरेको हो।

संसदीय दल र केन्द्रीय समितिको संयुक्त बैठक बसेको थियो।