कांग्रेस नेता गुरु घिमिरेले छानबिन चलिरहेको भन्दै पदप्रतिको आशक्ति नदेखाउन राष्ट्रिय स्वतन्त्र पार्टीका सभापति रवि लामिछानेलाई सुझाव दिएका छन्।  

सामाजिक सञ्जालमा घिमिरेले नागरिकताको विवादपछि सांसद र मन्त्री पद गुमाएका रविलाई स्वच्छ छवि बनाउन आग्रह गरेका हुन् ।

‘देशको कानुन पालना गरेर मात्र अघि बढ्न सकिन्छ रविजी ! तपाईंमाथिको छानबिन जारी छ। छानबिन टुंगिन दिनोस्। न्यायालयको ढुकढुकी बाँकी नै छ। आफूले बोलेको कुरामा अडिनुस्। भरखरै राजनीतिमा लाग्नुभएको छ, स्वच्छ छवि बनाउनुस्। पदप्रतिकोआशक्ति नदेखाउनुस्। प्रचलित राजनीतिज्ञ नबन्नुस्,हाम्रो सल्लाह !’ गुरुले लेखेका छन्।