पार्टी सभापति रवि लामिछानेको सांसद पद खारेज भएपछिको विकसित घटनाक्रमबारे टुंगोमा पुग्न राष्ट्रिय स्वतन्त्र पार्टीलाई सकस परेको छ ।

नागरिकता प्रकरणमा सांसद र मन्त्री पद खारेज भए पनि पुनः गृहमन्त्री बन्न पाउनुपर्ने अडान पूरा नहुने देखेपछि सभापति लामिछानेले सरकारबाट बाहिरिने चेतावनी दिएका थिए । 

सरकारबाट बाहिरिने मनसाय मनाएर केन्द्रीय समिति र संसदीय दलको संयुक्त बैठक बोलाए पनि के निर्णय भन्नेमा रास्वपालाई सकस देखिएको हो । 

बैठकमा सरकारबाट बाहिरिनुपर्ने र बाहिरिनु हुँदैन भन्ने दुवैमा सदस्यहरू विभाजित हुँदा निर्णय लिन सकस देखिएको हो ।

पौने ५ बजेबाट शुरू भएको बैठक सवा ८ बजेसम्म बजे पनि टुंगोमा पुग्न सकेको छैन। 

पार्टी केन्द्रीय कार्यालय बसुन्धरामा बसिरहेको सरकार छाड्न नहुने मत बलियो भएको देखिएको स्रोतले बताएको छ।