युक्रेनी सैनिकहरूलाई प्रशिक्षण तथा सहायता दिनका लागि कार्यरत अमेरिकी सैन्य समूह मोजार्टमाथि भ्रष्टाचारको आरोप लागेको छ । 

त्यसका साथै उक्त समूहले युक्रेनको नेतृत्वविरुद्ध आपत्तिजनक टिप्पणी गरेको आरोप पनि छ । 

अमेरिकाका पूर्व मरिन सैनिक एवं मोजार्टका नेता एन्ड्रु मिलबर्नले कम्पनीको फन्ड डाइभर्ट गरेको पनि बताइएको छ । 

मिलबर्नले आर्थिक अनियमितताका अधिकांश आरोप निराधार भएको बताए । 

मोजार्टका लडाकूहरूले रुसी सेनासँग भिडिरहेको अनि सेना र नागरिकलार्य आफूले प्रशिक्षण दिएको तर युक्रेनी नेताहरूले रकम भुक्तानी नगरेको उनको भनाइ छ । 

हजारौं विदेशी स्वयंसेवकहरू युक्रेनमा आएको र नागरिकहरूलाई बचाएको मिलबर्न बताउँछन् । आफूहरूले करोडौं रुपैयाँ पनि जुटाइदिएको तर अहिले पैसा सकिन थालेको र पर्याप्त फन्ड नदिइएको उनको भनाइ छ । 

गत सेप्टेम्बर महिनाबाट नै मोजार्टले फन्ड पाउन छोडेको थियो । नोभेम्बर महिनासम्म मोजार्टसँग पैसा थोरै भएकाले तलब खुवाउन पनि धौधौ परेको थियो । 

त्यसैले मोजार्ट समूह युक्रेन छोडेर जान लागेको छ । त्यो नयाँ नामका साथ फर्किने मिलबर्न बताउँछन् ।