निर्वाचन आयोगले सत्ता गठबनधनको तर्फबाट उपराष्ट्रपतिको उम्मेदवार बनाइएका जसपा नेता रामसहाय प्रसाद यादवको उम्मेदवारी कायमै राख्ने निर्णय गरेको छ ।

यादवको उम्मेदवारीविरुद्ध एमालेकी अष्ठलक्ष्मी शाक्य र जनमत पार्टीले दिएको उजुरीमा दाबी नपुग्ने आयोगले निर्णय सुनाएको छ । 

राष्ट्रपति निर्वाचनका निर्वाचन अधिकृत महेश शर्मा पौडेलेल आइतवार उजुरी अनुसार मनोनयन पत्र खारेज गर्नुपर्ने नदेखिएको बताएका हुन् । राष्ट्रपतिमा खस आर्यै समुदायको व्यक्ति निर्वाचित भइसकेको सन्दर्भमा खस आर्य भन्दा फरक समुदायका यादवको उम्मेदवारी अयोग्य रहेको भन्न नमिल्ने आयोगले निर्णय सुनाएको छ । 

आफूविरुद्ध दर्ता गरिएको उम्मेदवारी खारेजगरी आफ्ना उम्मेदवारी कायम राख्न माग गर्दै यादव आयोग पुगेका थिए । चैत्र ३ गते हुने उपराष्ट्रपति चुनावका लागि गठबन्धनले यादव सहित प्रमिण कुमारीको पनि उम्मेदवारी दर्ता गराएको थियो ।