कात्तिक १८, २०८०
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
चैत ३, २०७९
कांग्रेस सभापति शेरबहादुर देउवा आफ्नै आलिसान बंगलामा नसरेर किन भाडाको घरमा बसिरहेका होलान् ? बाहिरबाट झट्ट हेर्दा बूढानीलकण्ठ दरबार मर्मतका कारण । तर, वास्तविकता भने अर्कै छ र केही अनौठो पनि ।
कुनै पनि काम गर्दा ज्योतिषीको परामर्श लिएर मात्रै गर्ने कांग्रेस सभापति शेरबहादुर देउवाले पुस १२ गते प्रधानमन्त्री निवास बालुवाटार छाड्ने बेलामा पनि ज्योतिषीसँग परामर्श गरे । ज्योतिषीले अनौठो सल्लाह दिए, भाडाको घरमा बस्ने ।
‘आफ्नै निवासमा जाँदा फेरि बालुवाटार फर्किन ढिला हुने देखियो । भाडामा बसेपछि तत्काल सत्तामा फर्किने सम्भावना बढी हुन्छ भन्ने सुझाव थियो,’ ज्योतिषीको सल्लाहबारे सम्बद्ध स्रोतले लोकान्तरसँग भन्यो ।
कांग्रेस सभापतिको उम्मेदवारी मनोनयनदेखि प्रतिनिधिसभा चुनावमा उम्मेदवारी मनोनयन गर्नेबेलासम्म देउवाले साइत हेराएर काम गरेका थिए ।
देउवालाई ज्योतिषीय परामर्श दिँदै आएका ज्योतिषी सुरेशचन्द्र रिजालले पनि उनलाई भाडाको घरमा बस्न सुझाव दिएको स्वीकारे ।
बुढानीलकण्ठको घरमा नबसेर भाडाको घरमा बस्न तपाईंले सल्लाह दिएको भन्ने सुनियो, के त्यो सही हो ? भन्ने प्रश्नमा रिजालले भने, ‘त्यसरी बुझ्दा गलत हुँदैन । अहिले भैरहवामा छु । त्यसबारे थप व्याख्या गर्न चाहन्नँ ।’
आफ्नै पुरानो घरमा बस्नुभन्दा भाडाको घरमा बस्दा सरकारको नेतृत्व छिट्टै गर्ने अवसर आउँछ भनेर सुझाव दिनुभएको हो ? भन्ने अर्को प्रश्नमा रिजालले थपे, ‘तपाईंले पाएको सूचना गलत हैन । यसको मतलब फेरि छिट्टै चान्स (प्रधानमन्त्री बन्ने योग) आउन लागेको हो भनेर बुझ्न सक्नुहुन्छ ।’
वास्तु, ग्रहको स्थिति, दिशा आदि कारणले धेरै कुरा निर्धारण गर्ने भएकाले कहाँ बस्ने, कहाँ नबस्ने भन्ने कुरा ज्योतिषीय दृष्टिकोणबाट हेरिने गरेको अर्का एक ज्योतिषी बताउँछन् ।
‘ग्रहचक्र समयानुसार घुमिरहेको हुन्छ । त्यो अवस्थामा कुन दिशामा वा कुन घरमा बस्दा फलिफाप हुन्छ, कुनमा बस्दा राम्रो हुँदैन भन्ने हुन्छ, शायद त्यस्तै केही स्थिति बनेकाले भन्नुभएको हुनसक्छ,’ रिजालको भविष्यवाणी र ज्योतिषीय मान्यताबारे जिज्ञासा राख्दा ती ज्योतिषीले लोकान्तरसँग भने ।
रिजाल तिनै ज्योतिषी हुन्, जसले देउवालाई ७ पटक प्रधानमन्त्री बन्ने योग रहेको भविष्यवाणी गरेका थिए ।
२०७४ सालको प्रतिनिधिसभा चुनावको पूर्वसन्ध्यामा देउवाले धनगढीमा पुगेर ७ पटक प्रधानमन्त्री बन्ने योग रहेको बताएका थिए ।
२०७४ वैशाख ३० र मंसिर ४ गतेका लागि निर्वाचनको मिति घोषणा गर्दा पनि तत्कालीन प्रधानमन्त्री देउवाले ज्योतिषीको परामर्श लिएका थिए ।
नेकपा एमाले र माओवादीले वामपन्थी गठबन्धन बनाएर चुनाव लड्ने तयारी गरेको समयमा ७ पटक प्रधानमन्त्री बन्ने योग रहेको बताएपछि देउवा ठट्टाको पात्र बनेका थिए । तत्कालीन प्रतिनिधिसभा चुनावमा प्रत्यक्षतर्फ २३ सीट जितेका देउवा २०७८ असार २८ गते पाँचौंपटक प्रधानमन्त्री बने ।
देउवा आफैंले गरेको दाबीअनुसार अब उनीसँग प्रधानमन्त्री बन्ने दुईवटा योग बाँकी नै छन् । पुस १० गते नै एमालेको समर्थनमा छैटौं कार्यकालको प्रधानमन्त्री बन्ने योजना बनाएका देउवा यसपटक चिप्लिएका थिए ।
सत्ता गुमे पनि देउवाले निकटवर्तीलाई ‘वी विल कमब्याक सुन’ भनेर ढाडस दिने गरेका थिए ।
नेकपा एमालेका अध्यक्ष केपी शर्मा ओली दाहिना भइदिएपछि संसद्को तेस्रो दल नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ प्रधानमन्त्री बने ।
प्रधानमन्त्री बनेर विश्वासको अभूतपूर्व मत पाएका प्रचण्ड नेतृत्वको सरकार दुई महिनामै छिन्नभिन्न हुन पुगेको छ । प्रचण्ड सरकारमा माओवादीबाहेक सीके राउतको पार्टीमात्र बाँकी छ ।
प्रचण्डले दोस्रोपटक विश्वासको मत लिने तयारी गरिरहेको समयमा उनको सरकारको भविष्यका बारे टीकाटिप्पणी शुरू भएको छ । प्रचण्डले चैत ६ गते विश्वासको मत लिँदैछन् ।
कांग्रेस नेताहरूले वर्तमान गठबन्धन पाँचै वर्ष चल्छ भनेर दाबी गरिरहेको समयमा नेकपा एमालेका नेताहरू भने कांग्रेससँग सहकार्यको भित्री तयारी गरिरहेका छन् ।
राष्ट्रपति निर्वाचनमा धोका पाएका एमाले नेताहरूले सार्वजनिकरूपमा नै प्रचण्डको उपादेयता उपराष्ट्रपति निर्वाचनसम्म मात्र रहने टिप्पणी गरिरहेका छन् ।
तत्कालै सरकार ढल्ने सम्भावना नरहे पनि केही महिनामा कांग्रेससँग मिलेर सरकार बनाउने योजना रहेको नेताहरू स्वीकार्छन् ।
ज्योतिषी रिजालले देउवाको प्रधानमन्त्री बन्ने योग नजिकिएको बताए पनि कहिले भन्ने खुलाएनन् ।
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...