नेपाली कांग्रेसका सांसदहरू उपस्थित नहुने भएपछि बुधवार स्थगित भएको बागमती प्रदेशसभा बैठक आज शुक्रवार बस्दैछ ।

बागमती प्रदेशका मुख्यमन्त्री शालिकराम जम्कट्टेल र सभामुख भुवन पाठकबीच भएको छलफलपछि प्रदेशसभा बैठक शुक्रवार दिउँसो १ बजेका लागि सारिएको थियो । 

राष्ट्रिय प्रजातन्त्र पार्टीले सरकार छाडेपछि मुख्यमन्त्री जम्कट्टेलले विश्वासको मत लिनुपर्नेछ । विश्वासको मत लिनुअघि कांग्रेसलाई मनाउन बैठक सारिएको थियो ।

मुख्यमन्त्रीले सल्लाह नगरी विश्वासको मतसम्बन्धी प्रस्ताव  अगाडि बढेको भन्दै कांग्रेसले असन्तुष्टि जनाउँदै आएको छ ।