बिचौलियाको रुपमा कार्य गर्ने एक जना महिलालाई यातायात व्यवस्था कार्यालय एकान्तकुनाबाट हिजो (बिहीबार) ट्राफिक प्रहरीले नियन्त्रणमा लिएको छ ।

ओखलढुङ्गाको चिशंखुगढी नगरपालिका-९ घर भई हाल काठमाडौँको गोठाटार बस्दै आएकी २३ वर्षीया मनिता राईलाई ट्राफिक प्रहरीले हिजो नियन्त्रणमा लिएको हो । 

यातायात कार्यालयमा आउने सेवाग्राहीहरूलाई छिटो छरितो तरिकाले काम गरिदिन्छु भन्दै  रकम लिने उद्देश्यले राईले बिचौलियाको रूपमा काम गरेको पाइएपछि प्रहरीले उनलाई पक्राउ गरेको हो।

बिहीबार दिउँसो सेवाग्राहीका ३ थान सवारी चालक अनुमतिपत्रसहित उनलाई नियन्त्रणमा लिइएको प्रहरीले जनाएको छ।

उनलाई आवश्यक अनुसन्धान तथा कारबाहीका लागि प्रहरी वृत्त सातदोबाटो ललितपुर पठाइएकोमा जिल्ला प्रशासन कार्यालयबाट आज (शुक्रबार) ७ दिन म्याद थप गरी अनुसन्धान भइरहेको छ ।