सरकार विस्तारको तयारीलाई अन्तिम रूप दिन बालुवाटारमा सत्तारुढ दलको बैठक शुरू भएको छ ।

प्रधानमन्त्री पुष्पकमल दाहाल प्रचण्डको सरकारी निवास बालुवाटारमा सत्तारुढ दलका शीर्ष नेताको बैठक शुरू भएको हो । 

बैठकमा कांग्रेस, माओवादी केन्द्र, रास्वपा, जसपा, नेकपा एस, जनमत, लोसपा, नागरिक उन्मुक्तिसहित दलका नेता सहभागी भएका छन् । 

बैठकमा प्रधानमन्त्रीले सरकार विस्तारको लागि बनाएको प्रस्ताव पेश गर्ने तयारी छ । 

प्रधानमन्त्रीले कांग्रेसलाई एक राज्यमन्त्रीसहित ८, माओवादीलाई ४, नेकपा एस, जसपा र रास्वपालाई २/२ मन्त्रालय दिने तयारी प्रधानमन्त्रीको छ । तर यी तीनवटै दलले ३/३ मन्त्रालया दाबी गरेका छन् ।

लोसपा, जनमत र नागरिक उन्मुक्तिलाई १/१ मन्त्रालय दिने तयारी गरेका छन् । तर यी दलको दाबी २/२ मन्त्रालयमा छ । मन्त्रालयभन्दा दाबी बढी भएपछि प्रधानमन्त्रीले समयमा सरकार विस्तार गर्न नसकेका हुन्।

६ चैतमा विश्वासको मत लिएलगत्तै प्रधानमन्त्रीले सरकार विस्तार गर्ने भने पनि भागबन्डामा कुरा मिलेको छैन। संख्यासँगै प्रभावशाली मन्त्रालयमा पनि दलको फरक–फरक दाबीले प्रधानमन्त्री अप्ठ्यारोमा परेका हुन् । 

गृह मन्त्रालय माओवादी आफैंले राख्न खोजेको छ । तर गृहमा कांग्रेस, नेकपा एस, र रास्वपालको दाबी गरिहेका छन् । भौतिक पूर्वाधार, ऊर्जा, शिक्षा, स्वास्थ्य, उद्योगजस्ता मन्त्रालयमा पनि दलहरूको अलग-अलग दाबी भएपछि प्रधानमन्त्रीले भागबन्डा मिलाउन सकेका छैनन् ।

माओवादीले राष्ट्रपतिमा कांग्रेस उम्मेदवारलाई समर्थन गर्ने भएपछि १५ फागुनमा एमालेले सरकारमा सहभागी ८ मन्त्रीलाई फिर्ता बोलाएको थियो । 

त्यसयता एक महिनामा १६ वटा मन्त्रालयको जिम्मा प्रधानमन्त्री प्रचण्डसँगै छ । 

एमाले र राप्रपा सरकारबाट फिर्ता भए पनि सबैभन्दा ठूलो दल कांग्रेसलाई विश्वासको मत दिएपछि सत्तामा जाने तयारीमा छ । 

कांग्रेसबाट पनि सरकारमा कसले नेतृत्व गरेर जाने र अर्थमन्त्री को बन्ने भन्ने पनि टुंगिएको छैन ।