मंसिर ३०, २०८०
बुधवार काभ्रेको धुलिखेलस्थित काठमाडौं विश्वविद्यालयका १ हजार ८३८ जना विद्यार्थीमाझ सनम ढकाल दृश्यमा आए । एमबीबीएसमा सर्वोत्कृष्ट भएर गोल्ड मेडल ल्याउँदै सनम दीक्षित भएसँगै सबैमाझ परिचित भएका हुन् । काठम...
पप्पु अन्सारीको ३ वर्ष पहिले र अहिलेको दिनचर्या फरक छ । ३ वर्षअघिसम्म उनी विराटनगरको निजी विद्यालयमा पढाउँथे ।
शिक्षक हुँदा तलब कहिले आउँछ भनेर चिन्ता गर्ने पप्पुलाई अहिले तलब कसरी खुवाउने भन्ने चिन्ताले सताउँछ । उनको विराटनगरको मुख्यचोक ट्राफिक चोकमा बिरयानी हाउस छ ।
विद्यालयले नै उनलाई विराटनगरको बिरयानी हाउसको मालिक बनाएको छ । विद्यालयमा उनी कमर्स पढाउने गर्थे । उनले विद्यालयमा पढाउँदा मःम–चाउमिन विद्यार्थीको रोजाइको खाजा हुन्थ्यो । ती खाजाहरू स्वास्थ्यका लागि त्यति फाइदाजनक मानिँदैनन् । स्वास्थ्यमा असर मात्रै होइन, ती खाजाले विद्यार्थीको भोक समेत मेटाउँदैनथ्यो ।
विद्यार्थीले घरबाट ल्याएर खान लाज मान्थे । घरमा पकाएका खानेकुरा राम्रो र अडिलो पनि हुन्छ तर घरबाट ल्याएर खाँदा लाज हुने भनेर विद्यार्थीले भन्ने गरेका थिए ।
खाजा खाएको १ घण्टा नबित्दै विद्यार्थीले ‘भोक लाग्यो’ भनेको सुनेपछि विद्यार्थीका लागि अडिलो खाजाका लागि उनले सोच्न थाले । विद्यालय पढाउनुभन्दा अगाडि उनले होटल नै सञ्चालन गरेका थिए । उनलाई होटलको अनुभव राम्रै थियो । लगानी अभावका कारण उनले होटल बन्द गर्नुपरेको थियो । उनलाई अन्य ३ जना साथीले समेत साथ दिएका थिए ।
विराटनगरकै लागि खाना तथा खाजा पनि हुने बिरयानी भित्र्याउने योजना उनले बनाए । बिरयानी विराटनगरका लागि नयाँ आइटम भएकाले कुनै अध्ययन नगरी साथीहरूसँग मिलेर विद्यार्थीलाई खाजा खुवाउने उद्देश्यले विद्यालयनजिकै गल्लीमा उनले रोयल बिरयानी हाउस खोले ।
सस्तोमा अडिलो समेत हुने सोचेर उनले विराटनगरमा बिरयानी भित्र्याए । ३ वर्षअघिसम्म विराटनगरमा बिरयानी खाने होटल नै थिएनन्, उनले १०० रुपैयाँमा पाउने गरी बिरयानी हाउस खोलेका थिए ।
बिरयानी प्याकिङ गरेर विद्यार्थीलाई खाजाका रूपमा दिन थाले । शुरूशुरूमा धेरैले भात भनेर खान मानेका थिएनन् । विराटनगरमै नयाँ भएकाले पनि शुरूशुरूमा बिरयानीलाई चिनाउन नै धेरै मुस्किल पर्यो ।
भात बेच्ने होटल भनेर समेत उनलाई धेरैले गिज्याए । पछिल्लो समय भने बिरयानी धेरैको रोजाइमा पर्न थालेको छ । दैनिक ४०० जनाभन्दा बढीले उनको होटलमा आएर बिरयानी खाने गर्छन् । क्वालिटीमा कुनै कम्प्रमाइज नगरेका कारणले विराटनगरमा उनको रोयल बिरयानी हाउस निकै लोकप्रिय बनेको छ ।
युवायुवतीदेखि उद्योगपतिले समेत बिरयानीलाई खानाका रूपमा प्रयोग गर्ने गरेका छन् । ३०–३५ वर्ष उमेर समूहका धेरैले बिरयानी खाने गरेको उनले बताए । विराटनगरमै ४ स्थानमा रोयल बिरयानी हाउसका शाखा छन् तर उनको लगानी एउटामा मात्रै छ ।
‘साथीभाइहरू तेरो बिरयानी हाउस ब्रान्डिङ भइसकेको छ, यही नाममा चलाउँछौ भनेपछि मैले नाम मात्रै दिएको छु,’ उनले भने, ‘तर मेरो लगानी छैन ।’
विराटनगरमा बिरयानी के हो भन्ने चिनाएपछि विद्यालयको छेउको गल्लीबाट उनले होटललाई ट्राफिक चोकको भीडभाड हुने मुख्य क्षेत्रमा सारेका छन् । दिउँसोदेखि राति अबेरसम्म उनीहरूको पसलमा भीडभाड हुने गर्छ । ३ वर्षअघि खोलेको बिरयानीको मूल्य बढेको छैन भन्दा पनि फरक पर्दैन ।
महंगी बढिरहे पनि उनले मूल्य बढाएका छैनन् । ३ वर्षअघि १०० रुपैयाँमा पाउने चिकेन बिरयानी अहिले ११० रुपैयाँमा पाउँछ ।
उनले होटलमा २२ जनालाई रोजगारी दिएका छन् । पहिला अर्काकोमा आश्रित भएका पप्पु अहिले अरुलाई तलब दिइरहेका छन् । नेपालमै रोजगारी सिर्जना गर्न सक्नु उपलब्धि भएको उनले बताए । १५ वर्ष साउदी–दुबईमा काम गरेर फर्केका युवालाई पप्पुले रोजगारी दिएका छन् ।
साउदी अरबका विभिन्न शहरका होटलमा काम गरेकाहरू अहिले पप्पुकोमा काम गर्छन् । साथीहरूकै कारण अहिले रोयल बिरयानी ब्रान्डिङ भएको उनले बताए ।
सामाजिक काममा समेत उनी अगाडि छन् । पहिलो चरणको लकडाउनको समयमा व्यवसाय बन्द भएपछि सडकमा बस्नेहरूलाई निःशुल्क खाना खुवाउने अभियानमा समेत पप्पु लगायतको टीमले सहयोग गरेको थियो । निःशुल्क खाना खुवाउने अभियानमा जुटेका युवाहरूलाई बिरयानी हाउसमा नै खाना पकाएर ८० दिनसम्म खुवाएको उनले सम्झिए ।
बुधवार काभ्रेको धुलिखेलस्थित काठमाडौं विश्वविद्यालयका १ हजार ८३८ जना विद्यार्थीमाझ सनम ढकाल दृश्यमा आए । एमबीबीएसमा सर्वोत्कृष्ट भएर गोल्ड मेडल ल्याउँदै सनम दीक्षित भएसँगै सबैमाझ परिचित भएका हुन् । काठम...
प्रगतिशील राजनीतिको 'फ्रन्टलाइन'मा देखिने नेताहरू जति कठोर हुन्छन्, त्यो भन्दा बढी ‘इमोसनल र सेन्टिमेन्टल’ पनि हुन्छन् । त्यस्तै ‘इमोसनल फिलिङ्स’का बाबजुद परिस्थितिले कठोर बन्दै गएक...
भगवान् गौतम बुद्धको जन्मस्थल लुम्बिनी विश्वकै लागि शान्तिक्षेत्र हो । यो क्षेत्र आउँदो महिना विशेष हुने भएको छ । विश्वकै प्रतिष्ठित र ठूलो पुरस्कार मानिने नोबेल पुरस्कार विजेताहरूको जमघट हुने भएपछि विशेष हुन लागेक...
पोखराका अशोक खड्काको पारिवारिक वातावरण सानैदेखि उद्यमशीलताको थियो । उनका बुवा सधैं एकै सुझाव दिइरहन्थे– नेपालमै केही गर्नुपर्छ । उनको बालमस्तिष्कमा त्यही छाप पर्यो । विदेश जाने सोच कहिल्यै बनाएनन् । नेप...
मनीषा जीसीको वास्तविक नाम विष्णु घर्ती क्षेत्री हो । गुल्मीको धुर्कोट गाउँपालिका– ३ हाडहाडेकी विष्णुलाई धेरैले मनीषा भनेर चिन्छन् । उनै मनीषा लोक सेवा आयोगले लिएका पाँचवटा परीक्षामा एकसाथ नाम निकालेर अह...
श्रीमान्–श्रीमती नैं शाखा अधिकृत, त्यो पनि एकसाथ । यस्तो सुखद संयोग सरकारी सेवामा प्रवेश गर्न चाहनेमध्ये कमैलाई मात्र जुर्ने गर्छ । तर, गुल्मीको धुर्कोट गाउँपालिका वडा नम्बर–६ का सुरेन्द्र पाण्डे र रमित...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...