बोलिभियाको संसदमा मंगलवार सत्र चलिरहेको बेलामा सांसदहरूले कुटाकुट गरेको भिडियो सार्वजनिक भएको छ । 

मन्त्री एडुआर्डो देल कास्तिलोले सान्ता क्रुज क्षेत्रका गभर्नर लुइस फर्नान्डो कामाचोलाई कैद गरिएको विषयमा संसद्समक्ष धारणा राख्दै गर्दा झैझगडा भएको हो । 

पक्राउ गरिनुको वैधताको प्रतिरक्षा गर्ने क्रममा देल कास्तिलोले कामाचोको दल क्रीमोसका सांसदहरूलाई कठोर आलोचना गर्दै तिनीहरू बोलिभियाली जनताको पैसा लुट्न आएका चोर हुन् भने । 

उनी बोल्दै गर्दा विपक्षी सांसदहरूले देशमा लोकतन्त्र मरेको भन्ने सन्देशसहितको प्लेकार्ड बोकेका थिए । उनीहरूले देल कास्तिलोलाई आतंकी मन्त्रीको संज्ञा दिइएको तस्वीर पनि बोकेका थिए । 

सरकारसमर्थक सांसदहरूले ती प्लेकार्ड खोस्न खोज्दा २० जना जति सांसदहरूले एकअर्कालाई मुक्का प्रहार गरेका थिए । 

झगडामा कुनै पक्ष घाइते भएको छैन । 

बोलिभियामा राजनीतिक ध्रुवीकरण बढिरहेको संकेत यस घटनाले दिएको छ । 

Watch: Rival Bolivian lawmakers clash on the floor of parliament as a presentation by a minister of leftist President Luis Arce descends into a flurry of kicks, punches and hair-pulling. #Boliviahttps://t.co/v0WkAKcVMX pic.twitter.com/tagdWvi4ZN

— Al Arabiya English (@AlArabiya_Eng) May 24, 2023