इरानले २ हजार किलोमिटर दायराको ब्यालिस्टिक क्षेप्यास्त्रको सफल परीक्षण गरेको त्यहाँको सरकारी सञ्चारमाध्यमले खबर दिएको छ । 

आणविक कार्यक्रम चलाएकोमा तेहरानविरुद्ध कारवाही चलाउन सकिने भनी इजरायलका सेनाप्रमुखले बयान दिएको दुई दिनपछि इरानले क्षेप्यास्त्र परीक्षण गरेको हो । 

मध्यपूर्वमा सबभन्दा ठूलो क्षेप्यास्त्र कार्यक्रम इरानले चलाउँदै आएको छ । उसका हतियारहरू इजरायली भूमि तथा अमेरिकाका क्षेत्रीय अखडाहरूसम्म पुग्न सक्ने दाबी गरिएको छ । 

अमेरिका र युरोपले विरोध गरिरहेको भए पनि इरानले आफ्नो प्रतिरक्षात्मक क्षेप्यास्त्र कार्यक्रम विकसित गरिरहने बताएको छ । 

इरानले कोराशहर ४ ब्यालिस्टिक क्षेप्यास्त्र परीक्षण गरेको हो । त्यसमा १५ सय किलोको वारहेड राख्न मिल्छ ।