रुसले युक्रेनको राजधानी किएभमा आइतवार गरेको ड्रोन आक्रमणको लहरले एकजनाको ज्यान गएको त्यहाँका मेयर भिताली क्लित्स्कोले बताएका छन् । 

अर्का एकजना घाइते भई अस्पतालमा भर्ना भएको जानकारी उनले दिए । 

ड्रोनका कारण होलोसीव्स्की क्षेत्रमा आगो लागेको र त्यसलाई निभाइएको पनि उनले बताए । 

इरानमा बनेको शाहेद ड्रोनहरू व्यापक संख्यामा रुसले प्रहार गरेको युक्रेनी सेनाको भनाइ छ । प्रहार गरिएका ५४ मध्ये ५२ ड्रोनलाई आफ्नो हवाई प्रतिरक्षा प्रणालीले खसाएको युक्रेनी सुरक्षा अधिकारीहरू बताउँछन् । 

किएभ स्थापना भएको १५ सय ४१ वर्ष पुगेको खुशियाली मनाइरहेका युक्रेनीहरू ड्रोन आक्रमणको शिकार बनेका हुन् । 

किएभ डे भनी मे महिनाको अन्तिम आइतवार मनाइने गर्छ ।