इन्डियन प्रिमियर लिग (आईपीएल) क्रिकेटको फाइनल जितेर चेन्नई सुपर किंग्सले उपाधि हात पारेको छ । चेन्नईले प्रतिस्पर्धी गुजरात टाइटन्सलाई ५ विकेटले हराएको छ ।

चेन्नईले यसपालि पाँचौंपल्ट उपाधि जितेको छ । यसअघि चेन्नईले २०१०, १०११, २०१८, २०२१ मा आईपीएलको उपाधि जितेको थियो ।

चेन्नईका कप्तान महेन्द्रसिंह धोनीले टस जितेर गुजरातलाई ब्याटिङका लागि बोलाएका थिए । शुरूआती ब्याटिङ गरेको गुजरातले २१४ रन बनायो ।

जवाफी ब्याटिङमा वर्षाका कारण चेन्नईले १५ ओभर मात्रै खेल्न पायो । १४औं ओभरको खेल समाप्त हुँदासम्म अन्तिम ओभरमा चेन्नईलाई जीतका लागि १३ रन चाहिएका थिए । अन्तिम ओभरका ४ बलमा ३ रन मात्रै बने । जीतका लागि अब अन्तिम २ बलमा १० रन बनाउनुपर्ने भयो ।

अन्तिम २ बलमा रवीन्द्र जडेजाले छक्का र चौका प्रहार गर्दै चेन्नईलाई उपाधि जिताएका हुन् ।