नेपाल ब्याडमिन्टन संघका अध्यक्ष रामजीबहादुर श्रेष्ठलाई एसिया पारा ब्याडमिन्टन संघको अध्यक्ष पदबाट हटाइएको छ । उनको ठाउँमा भुटानका किनले क्षिरिङलाई अध्यक्ष बनाइएको हो ।

२७ मे २०२३ मा दुबईमा सम्पन्न ब्याडमिन्टन एसियाको महाधिवेशनले सन् २०२३ देखि २०२७ सम्म ४ वर्षे कार्यकालका लागि नयाँ कार्यसमिति चयन गरेको हो ।

श्रेष्ठ संघमा लामो समय अध्यक्ष रहे पनि पारा ब्याडमिन्टनका लागि कुनै भूमिका निर्वाह नगरेकाले अध्यक्ष पदबाट हटाइएको स्रोतले बताएको छ । 

अपांगता भएका व्यक्तिहरूको ब्याडमिन्टन खेलसम्बन्धी प्रतियोगिता एसियाका विभिन्न देशहरूमा संचालन गर्नुपर्नेमा केही भूमिका निर्वाह नगरेकाले उनलाई पदबाट हटाइएको हो । 

उनले नयाँ कुनै प्रोजेक्टसमेत तयार नगरेकाले उनलाई हटाएर भुटानका क्षिरीङलाई अध्यक्ष बनाइएको हो । 

यो पनि

ब्याडमिन्टनको आवरणमा 'विदेश पठाउने धन्दा', नेतृत्वको अकर्मण्यताले वरीयताकै खेलाडी पलायन

ब्याडमिन्टन संघमा बेथितिको चाङ : ८ वर्षदेखिको माइन्युट नै गायब

ब्याडमिन्टन संघमा भद्रगोल: ८ वर्षदेखि साधारणसभा भएन, अनुदानको रकममा समेत अनियमितता

'माइन्युट'को विषयमा भ्रष्टाचारसम्बन्धी कानून आकर्षित, आरोप-प्रत्यारोपमा पदाधिकारी