अख्तियार दुरुपयोग अनुसन्धान आयोगले सप्तरीको विष्णुपुर गाउँपालिकामा कार्यरत लेखापाल टेकनारायण यादव र  एमआईएस अपरेटर विरेन्द्रकुमार यादवलाई घुससहित पक्राउ गरेको छ ।

सेवाग्राहीसँग घुस माग गरेको भन्ने सूचनाका आधारमा अख्तियारको कार्यालय इटहरीबाट खटिएको टोलीले उनीहरूलाई पाँच लाख रुपैयाँ घुससहित पक्राउ परेको अख्तियारका प्रवक्ता भोला दाहालले जानकारी दिए । 

उनका अनुसार उनीहरूले सोलार बत्ती जडानलगायत योजनाको भुक्तानीबापत सेवाग्राहीसँग दुई लाख नगद र तीन लाखको चेक घुस लिएका थिए ।

उनीहरूलाई राजविराज नगरपालिका-३, त्रिभुवनचोकबाट बुधवार नियन्त्रणमा लिइएको अख्तियारले जनाएको छ ।