ललितानिवासको सरकारी जग्गा हिनामिना प्रकरणमा सीआईबीले सोमवार पनि प्रतिवेदन बुझाउने सम्भावना न्यून बनेको छ ।

तत्कालीन मन्त्री चन्द्रदेव जोशी बयान दिन भन्दै सीआईबी पुगेको तथा सञ्चार सचिव कृष्णबहादुर राउतलाई प्रतिवादी बनाउने कि नबनाउने भन्ने विषयमा राय बाझिँदा सोमवार प्रतिवेदन बुझाउने सम्भावना न्यून बनेको हो ।

यसअघि आइतवार पनि अन्तिम समयमा आएर प्रतिवेदन 'होल्ड' भएको थियो ।

संगठित अपराधमा अनुसन्धानका लागि ६० दिनको समय हुने भएकोले भदौ ८ भित्र मुद्दा अभियोजन गरिनसक्नु पर्ने अवस्था छ ।

ललितानिवास प्रकरणमा सीआईबीले असार १२ गते भाटभटेनी सुपरमार्केटमा सञ्चालक मीनबहादुर गुरुङसहितलाई पक्राउ गरेको थियो । 

*सोमवार प्रतिवेदन बुझाउने सम्भावना न्यून रहेको हुनुपर्नेमा अन्यथा भएकाले सच्याइएको छ ।