सर्वोच्च अदालतका नवनियुक्त प्रधानन्यायाधीश विश्वम्भरप्रसाद श्रेष्ठले पद तथा गोपनीयताको शपथ लिएका छन् ।

शीतलनिवासमा मंगलवार अपराह्न आयोजित विशेष समारोहका बीच श्रेष्ठले राष्ट्रपति रामचन्द्र पौडेलबाट प्रधानन्यायाधीश पदको शपथ लिएका हुन् ।

समारोहमा उपराष्ट्रपति रामसहायप्रसाद यादव, प्रधानमन्त्री पुष्पकमल दाहाल प्रचण्ड, सभामुख देवराज घिमिरेसहित अतिविशिष्ट र विशिष्ट पदाधिकारीहरूको उपस्थिति थियो ।

न्याय प्रशासन तथा न्याय सेवामा करीब ४ दशक बिताएका श्रेष्ठ सोमवार प्रधानन्यायाधीश नियुक्त भएका थिए ।

निवर्तमान प्रधानन्यायाधीश हरिकृष्ण कार्कीले अवकाश पाएपछि श्रेष्ठले सर्वोच्चको नेतृत्व सम्हाल्ने जिम्मेवारी पाएका हुन् ।

जिल्ला अदालतको न्यायाधीशबाट न्याय सेवामा छिरेका श्रेष्ठ पुनरावेदन हुँदै सर्वोच्च अदालतको न्यायाधीश बनेका थिए ।