प्रत्येक नेपालीलाई संविधानको पुस्तक नि:शुल्क वितरण गर्न सर्वोच्च अदालतले परमादेशको आदेश जारी गरेको छ ।

संविधानसभाबाट बनेको संविधान नेपालीलाई नि:शुल्क वितरण गरिनुपर्ने मागसहित अधिवक्ता विकास भट्टराईले हालेको रिटमा सर्वोच्चले आइतवार उक्त परमादेश गरेको हो ।

न्यायाधीशद्वय सुष्मालता माथेमा र हरिप्रसाद फुँयालको संयुक्त इजलासले परमादेश जारी गरेको उक्त रिटमा बहस गरेका अधिवक्ता कीर्तिनाथ शर्मा पौडेलले बताए ।

संविधानसभाबाट संविधान जारी भएकाले हरेक नेपालीको पहुँचमा उक्त संविधान हुनुपर्ने भन्दै सर्वोच्चले सरकारका नाममा परमादेश जारी गरेको पौडेलले बताए ।