नेकपा (माओवादी केन्द्र)का केन्द्रीय सदस्य रामप्रसाद सापकोटा दीपशिखा प्रकरणप्रति दक्षिण कोरियास्थित नेपाली राजदूतावासले ध्यानाकर्षण भएको जनाएको छ । राजदूतावासले मंगलवार एक विज्ञप्ति जारी गर्दै नेता दीपशिखाले नियतवश कुनै कमजोरी नगरेको जनाएको छ ।

दक्षिण कोरियाका लागि नेपाली राजदूत ज्योति प्याकुरेल भण्डारीले विगत १ वर्षदेखि सेवन गरिरहेको औषधि दीपशिखाले लिएर आउने क्रममा पे्रसक्रिप्सनसहित अन्य आवश्यक कागजात छुटेकाले कोरियाली सरकारका भन्सार अधिकृतले विमानस्थलमा रोकेको दूतावासले प्रष्टीकरण दिएको छ । यस प्रकरणमा नेता दीपशिखाको कुनै गल्ती नभएको दूतावासको भनाइ छ ।

भन्सारले मागेका पे्रसक्रिप्सनुसहित आवश्यक कागजात राजदूतावासले बुझाइसकेका विज्ञप्तिमा उल्लेख छ ।

यता, नेता दीपशिखाले पनि यो प्रकरणमा आफ्नौ कुनै गल्ती नभएको स्पष्ट पार्दै चाँडै नेपाल फर्कनेमा विश्वस्त रहेको सामाजिक सञ्जालमार्फत बताएका छन् ।

यसअघि माओवादी केन्द्रको युवा संगठन वाईसीएलका पूर्वअध्यक्षसमेत रहेका दीपशिखालाई दक्षिण कोरिया प्रहरीले लागुऔसध ओसारपसारको आरोपमा नियन्त्रणमा लिएर अनुसन्धान गरिरहेको भन्ने विषय बाहिर आएको थियो । यसबारे दूतावास र उनले स्ष्टीकरण दिएका हुन् ।