बालिकालाई बलात्कार गरेको अभियोगमा फरार अभियुक्त १६ वर्षपछि समातिएका छन् । 

चितवनको भरतपुर महानरपालिका–८ गौरीगञ्ज बस्ने ५८ वर्षीय अमरेश कँडेललाई हालै पक्राउ गरिएको नेपाल प्रहरीको केन्द्रीय अनुसन्धान ब्युरो (सीआईबी)ले जनाएको छ ।

उनीसहितको समूहले मादक पदार्थ खाएर ललितपुरको ठैबस्थित एक क्यान्टिनमा काम गर्ने बालिकालाई ०६४ पुष ५ गते सामुहिक बलात्कार गरेको अभियोग छ । 

कँडेललाई जिल्ला अदालत, ललितपुरले ०८० फागुन ४ गते मुलुकी ऐनअन्तर्गत ५ वर्ष कैद र सामुहिक करणीमा थप ५ वर्ष कैद सजाय निर्धारण गरेको थियो । 

उनलाई सोमवार कैद भुक्तानका लागि कारागार चितवन पठाइएको सीआईबीले जनाएको छ ।