चीनमा जारी १९औं एसियाली खेलकुदअन्तर्गत पुरुष क्रिकेटको पहिलो क्वार्टरफाइनल खेलमा भारतले ब्याटिङमा उत्कृष्ट शुरुआत गरेको छ ।

टस जितेर ब्याटिङ रोजेको भारतले पहिलो पावर प्ले (६ ओभर)मा उत्कृष्ट शुरूआत गरेको हो । 

९ ओभरको खेल चलिरहँदा भारतले कुनै विकेट नगुमाई ९० रन बनाएको छ । भारतका कप्तान रितुराज गाइकवाड २१ बलमा २१ रन र यशस्वी जयसवाल ३२ बलमा ६६ रन बनाएर खेलिरहेका छन् । 

नेपालविरुद्ध खेल्न भारतले दोस्रो रोजाईको टोली पठाएको छ । भारतीय टोलीमा इन्डियन प्रिमियर लिग (आइपीएल) मा सानदार प्रदर्शन गर्दै आएका खेलाडी छन् । 

नेपाल समूह चरणमा मंगोलिया र माल्दिभ्सलाई हराउँदै अन्तिम आठमा पुगेको हो । भारत भने सिधै क्वार्टरफाइनल खेल्न लागेको हो ।​ आजको विजेता टोली सेमिफाइनल पुग्नेछ । 

नेपालले टी-२० आईमा भारतसँग पहिलो पटक खेल्न लागेको हो। ओडीआईमा भने अघिल्लो महिना एसिया कपमा भारत र पाकिस्तानसँग खेलेको थियो ।