प्रमुख प्रतिपक्षी दल नेकपा (एमाले)का सांसद ईश्वरबहादुर रिजालले वर्तमान सरकारको मुखमा लक्षिन नभएको भन्दै उसले गरेका सबै निर्णय उल्टो हुने गरेको टिप्पणी गरेका छन् ।

मंगलवार बसेको प्रतिनिधिसभा बैठकको शून्य समयमा सांसद रिजालले सरकारले उल्टो बोल्दा देशमा सुल्टो हुने भन्दै कटाक्ष गरेका हुन् । 

‘म भौतिकवादमा विश्वास गर्छु, मुखमा लक्षिनले बास गरेन भने, ठीक त्यसको उल्टो हुन्छ । सरकार जे बोल्छ, त्यसको ठीक उल्टो हुन्छ, तसर्थ सरकारले मूल्यबृद्धि गर्र्छु भनोस् मूल्य नियन्त्रण हुन्छ कि, दण्डहीनताको अराजक राज्य चलाउनु भनोस्, कानूनी राज स्थापना हुन्छ कि ? सरकारले समाजिक सद्भाव बिथोल्छु भनोस् सामाजिक सद्भाव कायम हुन्छ कि ! राष्ट्रिय आत्मसमर्पणवादको नीति लिन्छु भनोस् राष्ट्रिय आत्मसम्मान कायम हुन्छ कि !’