भेप प्रकरणः सीआईबीले गरायो पूर्वसभामुख महरालाई बयान कागज

नेपाल प्रहरीको केन्द्रीय अनुसन्धान ब्युरो (सीआईबी)ले सुन प्रकरणमा शंकाको घेरामा रहेका पूर्वसभामुख तथा नेकपा (माओवादी) केन्द्रका नेता कृष्णबहादुर महरालाई बयान कागज गराएको छ ।

उनलाई विद्युतीय सिगरेट (भेप)मार्फत भएको ९ किलो सुन तस्करी प्रकरणमा मंगलवार बयान कागज गराएको हो ।

तस्कर समूहसँग महराका छोरा राहुलको सम्बन्ध देखिएको भन्दै प्रहरीले गत भदौ १३ मा उनलाई पक्राउ गरेको थियो । 

पूर्वसभामुख महरामाथि भने पक्राउ गरेर छानबिन नभएको भन्दै चौतर्फी विरोध भएपछि सीआईबीले कागज बयान लिएको हो ।