अवैध लागूऔषध खैरो हेरोइनसहित पक्राउ

बिराटनगर महानगरपालिका-१५ स्थित एक नम्बर ढाँटबाट अवैध लागूऔषध खैरो हेरोइन ८० मिलिग्रामसहित एक जना पक्राउ परेका छन् । पक्राउ पर्नेमा झापा गौरादह नगरपालिका-४ बस्ने ३८ वर्षीय हरि बहादुर ठकुरी रहेका छन् । 

भारतबाट नेपालतर्फ आउँदै गरेका पैदलयात्री ठकुरीलाई लागूऔषध नियन्त्रण ब्युरो बिराटनगरबाट खटिएको प्रहरीले उक्त पदार्थसहित फेला पारी बिहीबार पक्राउ गरेको हो । 

यस सम्बन्धमा प्रहरीले आवश्यक अनुसन्धान गरिरहेको जनाएको छ ।