मोहन वैद्यको कार्यक्रममा प्रहरी हस्तक्षेपपछि कुर्सी हानाहान [भिडियो]

मोहन वैद्यले नेतृत्व गरेको नेकपा (माओवादी क्रान्तिकारी)ले गरेको लालमार्च तथा सभामा कुर्सी हानाहान भएको छ ।

क्रान्तिकारीले १३१ औं माओ दिवसका अवसरमा काठमाडौंको शान्ति वाटिकामा गरेको मार्चपासमा कुर्सी हानाहान भएको हो । 

मार्च पासपछिको सभाका क्रममा सुरक्षाकर्मीसँग क्रान्तिकारीको झडप भएको हो । 

सभाको क्रममा क्रान्तिकारीले बाटो नै ब्लक गरेको भन्दै प्रहरीले सवारीसाधनको आवागमन खुलाउन खोजेको थियो । तर क्रान्तिकारीले आफूहरूले सीडीओसँग अनुमति लिइसकेको भन्दै कार्यक्रम स्थलबाट नहट्ने अडान लिए ।

तर प्रहरीले बाटोमा ब्लक नगर्न भन्दै हटाउन खोजेपछि क्रान्तिकारीका कार्यकर्ताले प्रहरीमाथि कुर्सी र बोतल प्रहार गरेका थिए । 

मञ्चबाट नेताहरूले संयमित बन्न आग्रह गरेपछि स्थिति केहीबेरमा साम्य भएको थियो ।