नेशनल लाइफ इन्स्योरेन्सको ३७ औं वार्षिकोत्सवः रक्तदानदेखि दृष्टिविहीनलाई सेतो छडी वितरणसम्म

नेशनल लाइफ इन्स्योरेन्स कम्पनी लिमिटेड बिहीवार ३६ औं वर्ष पूरा गरी ३७ औं वर्षमा प्रवेश गरेको छ । 

कम्पनीले आफ्नो ३७ औं वार्षिकोत्सव विभिन्न कार्यक्रमहरू आयोजना गरी मनाएको छ । कम्पनीले केन्द्रीय कार्यालय काठमाडौंको लाजिम्पाटमा रक्तदान कार्यक्रम सञ्चालन गरेको थियो ।

जसमा ५० भन्दा बढी कम्पनीका कर्मचारीको सहभागिता रहेको थियो । देशभरमा ५३ वटा बाल र वृद्धाश्रममा खाना खुवाउने कार्यक्रम आयोजनासमेत सम्पन्न गरिएको कम्पनीले जनाएको छ । 

साथै, अपाङ्गता संरक्षण नेपालको सहायतामा १२३ जना दृष्टिविहीन व्यक्तिलाई सेतो छडी पनि वितरण गरिएको छ ।

यस शुभ अवसरमा कम्पनीले ब्यवसायिकता, प्रविधि मैत्री पारदर्शीता एवं विश्वसनियता लाई थप अभ्यास गर्दै गुणस्तरीय बीमा सेवा प्रदान गर्ने प्रतिवद्धता ब्यक्त गरेको छ । 

कम्पनी सञ्चालनको ३७ औं वार्षिकोत्सवको सुखद अवसरमा हामीप्र्रति विश्वासका साथ सहकार्य गर्नु हुने सम्पूर्ण ग्राहक महानुभाव, कर्मचारी साथीहरू, अभिकर्ताज्यूहरू एवं शुभेच्छुकप्रति हार्दिक आभार ब्यक्त गर्दछौं,’ कम्पनीका प्रमुख कार्यकारी अधिकृत सुरेशप्रसाद खत्रीले जारी गरेको विज्ञप्तिमा भनिएको छ, ‘साथै नियामक निकायलगायत अन्य सम्बन्धित संस्थाहरूबाट प्राप्त मार्गदर्शन र सहयोगको लागि कृतज्ञता ब्यक्त गर्दछौं ।’

नेपालको अग्रणी जीवन बीमा कम्पनीको रुपमा स्थापित यो कम्पनीले विगत वर्षसरह चालु वर्षमा राम्रो व्यावसायिक प्रगति गरेको विज्ञप्तिमा जनाइएको छ ।