बेलबारीमा ट्रिपरको ठक्करबाट चार जना घाइते

मोरङको बेलबारीमा ट्रिपरले ठक्कर दिँदा ४ जना घाइते भएका छन् । घाइतेमध्ये २ जनाको अवस्था चिन्ताजनक रहेको इलाका प्रहरी कार्यालय बेलबारीका प्रहरी निरीक्षक तेजप्रसाद दाहालले बताए ।

पूर्वबाट पश्चिमतिर गइरहेको सुमो गाडीलाई शुक्रबार बिहान ओभरट्याक गर्ने क्रममा ठक्कर दिएको प्रहरीले जनाएको छ । मे १ झ २८५६ नम्बरको सुमो गाडीलाई प्रदेश ०२–००१ ख ९६७६ नम्बरका ट्रिपरले ठक्कर दिएको थियो ।

घाइतेहरूलाई कोशी अस्पताल पठाइएको प्रहरीले जनाएको छ । ‘दुई जनाको अवस्था चिन्ताजनक रहेको छ,' प्रहरी निरीक्षक दाहालले भने, 'अन्य अनुसन्धान हुँदैछ ।’